Moskva şəhərinin meri Azərbaycan prezidentinə məktub göndərib

26 aprel 2018 22:20
Oxunma sayı: 231

Moskva şəhərinin meri Azərbaycan prezidentinə məktub göndərib


Moskva şəhərinin meri Sergey Sobyanin İlham Əliyevi Azərbaycan prezidenti seçilməsi münasibəti ilə təbrik edib.

Bakifm.Az-ın əldə etdiyi məlumata görə, Moskva şəhərinin meri Sergey Sobyanin Azərbaycan prezidenti İlham Əliyevi yenidən prezident seçilməsi münasibəti ilə təbrik edib.

Təbrikdə deyilir: “Hörmətli İlham Heydər oğlu. Yenidən Azərbaycan Respublikasının Prezidenti seçilməyiniz münasibətilə Sizi Moskva hökuməti adından və şəxsən öz adımdan təbrik edirəm.

Azərbaycan xalqı demokratik və iqtisadi dəyişikliklərin daha da inkişaf etdirilməsi, sabitliyin, dövlətçiliyin möhkəmləndirilməsi xeyrinə mühüm seçim etdi. Bu seçim Rusiya ilə mehriban qonşuluğun və çoxtərəfli əməkdaşlığın da inkişafına töhfə verəcək.

Azərbaycan Respublikası ilə qarşılıqlı fəaliyyət bizim yaxın xarici ölkələrlə çoxtərəfli əlaqələrimizin prioritet istiqamətlərindən biridir. Əminəm ki, tərəfdaşlığımızın keyfiyyətcə yeni inkişaf səviyyəsinə çatması üçün hazırda ən əlverişli şərait mövcuddur.

Biz də öz tərəfimizdən bu prosesin sürətləndirilməsi üçün nə lazımdırsa etməyə hazırıq. Ölkələrimiz arasında yaranmış konstruktiv əlaqələri qardaş xalqlarımızın tərəqqisi naminə inkişaf etdirmək üçün Sizin səylərinizi yüksək qiymətləndiririk. Hörmətli İlham Heydər oğlu, Sizə möhkəm cansağlığı və ali dövləti fəaliyyətinizdə uğurlar arzu edirik”

Şərh